Mae pwmp gwres ffynhonnell aer (ASHP) yn ateb effeithiol ar gyfer arbed gwres yn eich cartref, ni waeth beth fo’r hinsawdd. Mae’r opsiwn hwn yn gyfeillgar i’r amgylchedd ac yn echdynnu’r ynni solar sy’n cael ei storio yn yr aer ac yn ei drawsnewid yn ynni gwres, gan ddarparu gwres a dŵr poeth i’ch cartref.
Ystyrir pympiau gwres ffynhonnell aer fel un o’r datrysiadau gwresogi mwyaf effeithlon a fforddiadwy yn y DU, ac o ganlyniad, disgwylir iddynt chwarae rhan hollbwysig yn nod y DU i gyrraedd sero net erbyn y flwyddyn 2050.
Mae pympiau gwres ffynhonnell aer (ASHP) yn systemau gwresogi carbon isel sy’n amsugno aer amgylchynol ac yn ei gynhesu i dymheredd uwch gan ddefnyddio cywasgydd. Yna mae’n trosglwyddo’r gwres i’r system wresogi yn eich cartref. Meddyliwch amdano fel oergell sy’n gweithio i’r gwrthwyneb.
Mae aer o’r tu allan yn cael ei amsugno i'r uned.
Mae'r aer yn cael ei wthio dros rwydwaith o diwbiau wedi'u llenwi ag rhewyddion - hylif â phwynt anweddu isel iawn.
Mae'r rhewyddion yn cynhesu ac yn newid o hylif i nwy.
Mae'r nwy poeth bellach yn symud i gyfnewidydd gwres â dŵr o’i amgylch. Mae'r gwres yn cael ei drosglwyddo o'r nwy i'r dŵr a ddefnyddir i gynhesu'r rheiddiaduron neu’r gwresogyddion dan y llawr yn eich cartref.
Yn y cyfamser, mae'r rhewyddion yn cyddwyso i hylif ac yn dychwelyd i ddechrau'r cylchred.
Mae effeithlonrwydd yn fesur o faint o ynni y mae dyfais yn ei gyflenwi i’ch cartref o’i gymharu â faint o ynni y mae’n ei ddefnyddio. Mae’r systemau gwresogi mwyaf effeithlon yn darparu llawer mwy o ynni na’r hyn y mae’n ei ddefnyddio.
Mae ffwrneisi a boeleri yn cynhyrchu ynni trwy losgi tanwyddau ffosil gydag effeithlonrwydd ynni sy’n amrywio rhwng 78% a 98%. Ar y llaw arall, gall pwmp gwres gyflenwi 3 i 4 cilowat (kW) o wres am bob 1kW o drydan y mae’n ei ddefnyddio, gan gyflenwi hyd at 400% o ynni. Maent yn defnyddio trydan yn lle tanwydd ffosil gan eu gwneud yn ddewis arall sy’n fwy ecogyfeillgar, ac fel bonws ychwanegol, yn effeithlon.
Mae pympiau gwres yn fwy effeithlon na systemau gwresogi trydanol eraill oherwydd gallant gael eu cynnal gyda 70% yn llai o drydan. Yn lle cynhyrchu gwres, maent yn amsugno gwres aer o’r tu allan ac yn ei ddanfon i’r tŷ.
Mae gan bob un o’n pympiau gwres ffynhonnell aer warant gwneuthurwr sy’n para am 7 mlynedd. Fodd bynnag, er mwyn i’r warant fod yn ddilys, mae angen i’ch pwmp gwres ffynhonnell aer gael gwasanaeth blynyddol ar gyfer pob blwyddyn o’r warant. Rydym yn cynnig ein cynlluniau gwasanaeth ein hunain i’n cwsmeriaid am £25 y mis yn unig sy’n cynnwys gwasanaeth blynyddol a diogelwch rhag unrhyw broblem a all godi.
Gall grantiau diweddaraf y llywodraeth dalu am fesurau arbed ynni hyd at £45,000 i drin eich eiddo a lleihau eich defnydd o ynni. Mae’n hawdd gwneud cais os ydych yn derbyn budd-daliadau cymhwyso, ond efallai y byddwch yn gymwys i dderbyn cymorth hyd yn oed os nad ydych yn derbyn budd-daliadau.
Mae pympiau gwres ffynhonnell aer yn fath o wresogi carbon isel, gan eu bod yn defnyddio aer o’r tu allan i wresogi neu oeri eich cartref ac mae ganddynt gyfradd effeithlonrwydd ynni uchel, sy'n eu gwneud yn ddewis amgen llawer gwell i dorri allyriadau.
Gall ein pympiau gwres ffynhonnell aer weithio mewn tymheredd mor isel â -25°C, felly gallwch fod yn hyderus na fydd eich pwmp gwres yn rhewi.
Mae’r pympiau gwres rydym yn eu defnyddio ymhlith y rhai tawelaf ar y farchnad, sy’n golygu y gellir eu gosod yn hawdd mewn unrhyw gartref heb darfu ar unrhyw un.
Mae pympiau gwres yn ffynhonnell ynni gwyrdd glân sy'n gynaliadwy ac yn adnewyddadwy, gydag allyriadau CO2 isel neu ddim o gwbl.
